ХАН-УУЛ ДҮҮРГИЙН 14 ДҮГЭЭР ХОРООНД 240 ХҮҮХДИЙН ЦЭЦЭРЛЭГИЙН БАРИЛГЫН АЖИЛ ЭХЭЛЛЭЭ. 

240 хүүхдийн цэцэрлэгийн шав тавих ёслол өнөөдөр боллоо. Тус цэцэрлэгийн барилгын ажил нь “Улсын төсвийн хөрөнгөөр Боловсролын салбарт хийгдэж байгаа энэ жилийн хамгийн эхний бүтээн байгуулалтын ажил бөгөөд улсын төсвийн 1.8 тэрбум төгрөгийн хөрөнгө оруулалтаар хийж, 2019 оны наймдугаар сард хүлээлгэн өгөх юм.

Тус хороо цэцэрлэгийн насны 700 гаруй хүүхэдтэйгээс дөнгөж 300 орчим хүүхэд цэцэрлэгт хамрагдаж байна. Тус цэцэрлэг ашиглалтад орсноор хорооны цэцэрлэгийн насны хүүхдүүд бүрэн хамрагдах юм.